FOTOT/ Qyteti i parë nënujor që do të mirëpresë banorët e tij në vitin 2030

“Ocesn Spiral City” është qyteti i parë nënujor i cili do të mundësojë furnizimin e vetes së tij. Arkitektët në Tokio e prezantuan planin e tyre ambicioz në vitin 2014  dhe pritet që i gjithë projekti të kushtojë 26 miliardë dollarë.

Sipas firmës Inxhinierike Shimizu Corporation ky metropol nënujor do të përdorë burimet që oqeani do ti vendosë në dispozicion.

Kjo do të përfshijë teknikat e fundit si p.sh. ujin e pijshëm që prodhohet nëpërmjet “osmozës së kundërt”, e cila përdor presionet e larta që gjenden në thellësi të vogla për të filtruar ujin e detit.

Qyteti, i cili do jetë 500 metra i gjerë, ka një formë spirale që lidhet me një stacion bazë që është të paktën 4 kilometra nën ujë.

Gjithashtu spiralja do të krijojë energji të rinovueshme duke konvertuar e energjinë termike të oqeanit, e cila krijon energji elektrike nga nivelet e ndryshme të temperaturës së oqeanit nëpërmjet një gjeneratori.

Besohet se ky qytet nënujor do të jetë gati për 5,000 banorët e tij të parë në vitin 2030.

Sfera ku njerëzit do të jetojnë do të ketë të gjitha komoditetet që ka toka, duke përfshirë shtëpitë, shkollat, laboratorët dhe restorantet.

Kjo ide e së ardhmes  ishte një bashkëpunim mes Kompanisë Shimizu së bashku me Universitetin e Tokios dhe Agjencinë Japoneze për Teknologji të Shkencave Detare të Tokës.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.