Franca fut Shqipërinë në listën jeshile – TIA informon mbi detajet e udhëtimit për personat me pasaportë biometrike
Tirana International Airport njofton se Franca nga data 25 Qershor 2021, zbut kufizimet për hyrjen e udhëtarëve shqiptarë me pasaportë biometrike në këtë vend pasi edhe te pavaksinuarit mund të udhëtojnë, mjafton të kenë një PCR të 72 orëve të fundit ose test antigen.
Sipas njoftimit Franca e kaloi Shqipërinë në listën jeshile të vendeve me rrezik shumë të ulët infektimi por TIA rikujton se tamponi PCR mund të kryhet në aeroport apo edhe në çdo institucion tjetër të licencuar mjekësor ndërsa Antigeni, nuk kryhet në aeroport, por e gjeni në institucione mjekësore të licencuara.
TIA thekson se gjithashtu kush është i vaksinuar me Pfizer, Moderna, AstraZeneca dhe Johnson & Johnson, është i lirë të hyjë në Francë por vaksinat e tjera, ende nuk njihen.
Sipas informacionit të publikuar prova e vaksinimit është e vlefshme nëse lejon të vërtetohet përfundimi i një kohe të plotë të vaksinimit, përkatësisht:
- 2 javë pas injeksionit të 2-të për vaksinat me injeksion të dyfishtë (Pfizer, Moderna, AstraZeneca);
- 4 javë pas injeksionit për vaksinat me një injeksion të vetëm (Johnson & Johnson);
- 2 javë pas injeksionit për vaksina te njerëzit me histori të Covid-19 (kërkohet vetëm 1 injeksion).
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.