Franca kërkon që buka e saj e famshme të hyjë në UNESCO – Macron: “Baguett-ën tonë e ka zili e gjithë bota”

Çfarë mendoni kur mendoni për Francën? Pallati i Versajës? Lumi Seine? Apo ndoshta një baguette e freskët?

Ju mund të vëreni se një nga këto që përmendëm më sipër nuk është e ngjashme me të tjerat.

Baguetta e famshme franceze ende nuk është nderuar me statusin e Trashëgimisë Botërore të UNESCO-s.

Në vitin 2017 pizzës së Napolit iu dha titulli dhe tani Presidenti francez Emmanuel Macron po bën thirrje që buka e çmuar e Francës të marrë po të njëjtin titull.

“Baguettën tonë e ka zili e gjithë bota”, është shprehur Macron kohët e fundit.

Franca është kaq serioze në lidhje me bukën e tyre, ata kanë ligje për mënyrën që njerëzit duhet të ndjekin në mënyrë që një baguette të jetë vërtetë një baguette, dhe ato nuk duhet të jenë kurrë të ngrira.

“Përsosmëria dhe ekspertiza duhet të ruhen, e për këtë arsye, ajo duhet shënuar si pjesë e kësaj trashëgimie”, është shprehur Macron.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.