Franca me rekord të ri negativ: 13,500 raste të reja Covid në një ditë!
Franca konfirmoi gati 13,500 raste të reja COVID-19 gjatë një periudhe 24-orëshe të shtunën, duke vendosur një tjetër rekord ditor në numrin e infeksioneve në vend që nga fillimi i pandemisë së koronavirusit.
Sipas Santé France, autoriteti shëndetësor francez, 13,498 raste të reja të COVID-19 u raportuan në 24 orë, 283 më shumë se një ditë më parë.
Rastet e reja e çojnë numrin e përgjithshëm të rasteve të regjistruara të virusit në Francë në 442,194.
Numri i njerëzve që kanë vdekur nga virusi gjithashtu u rrit me 26 gjatë të njëjtës periudhë, duke sjellë vdekjet totale nga COVID-19 në Francë në 31,274 që nga marsi.
Autoritetet ia kanë atribuar rritjen e rasteve të raportuara testimeve në shkallë më të gjerë pasi qeveria franceze i bëri ato më të lira dhe më të shpejta.
D.B – SCAN
Burimi: Euronews
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.