Franca rritet mbi pritshmëritë – Rritja ekonomike rishikohet në 0.3% në T2
Ekonomia franceze është rritur me një hap më te shpejtë se ç`mendohej më parë në tremujorin e dytë të vitit, tregojnë të dhënat e fundit.
Shifrat tregojnë se, investimet e fuqishme të biznesit kanë kompensuar disi shpenzimet e dobëta konsumatore. Ekonomia e dytë me e madhe e Eurozonës u rrit kështu më një normë prej 0.3% në tremujorin e dytë të vitit.
Norma është e pandryshuar krahasuar me tremujorin paraardhës. Shifra e fundit prej 0.3% është një rishikim i vlerësimit paraprak, që fliste për vetëm 0.2% rritje ekonomike përgjatë periudhës Prill-Qershor.
Gjithsesi, të dhënat kanë elementë shqetësues, pasi shpenzimet konsumatore, tradicionalisht motori i ekonomisë franceze u ngadalësuan në 0.2% nga 0.3% të tremujorit paraardhës.
Në këtë performancë negative ka ndikuar inflacioni më i lartë që ka ulur fuqinë blerëse në një kohë që të ardhurat e familjeve ranë me 0.2%, pas një rritje me 0.8% në tre muajt paraardhës.
Roel Korkuti / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.