Franca zgjeron shtetrrethimin, Castex: Situata është serioze. Duhet shmangur karantina kombëtare

Franca do të zgjerojë shtetrrethimin e koronavirusit që të përfshijë mbi 2/3 e popullsisë,  pasi koha për të ngadalësuar infeksionin po ndalon dhe duhen shmangur masa më të ashpra si karantina kombëtare.  “Situata është serioze”, – tha kryeministri Jean Castex në një konferencë në Paris. Ai tha se shtetrrethimi gjatë natës do të zgjerohet nga qytetet kryesore të Francës në 38 departamente administrative dhe do të ndikojë tashmë 46 milionë njerëz.

“Është shumë herët në këtë fazë për të vlerësuar efektet e shtetrrethimit.  Do të shohim javën e ardhshme nëse do të nisë të reduktojë bindshëm qarkullimin e virusit. Në lidhje të rezultateve që do të marrin, ne do rivlerësojmë masat dhe me shumë mundësi do t’i ashpërsojmë, me prioritet për të shpëtuar jetë njerëzish.”

Rajoni i Parisit, pjesa më e madhe e veriut dhe juglindja e vendit përfshirë Pyrenees, do të jenë në shtetrrethin nga ora 9 e mbrëmjes deri në orën 6.  Bregu që laget nga oqeani atlantik shpëtoi nga këto masa.  Parisi dhe 8 qytete të tjera të mëdha u vendosën nën shtetrrethin të Shtunën e kaluar. Castex tha se ka ende kohë për të shmangur masa më të ashpra si karantina kombëtare.  Me një popullsi prej rreth 67 milionë, Franca ka raportuar një mesatare 7-ditore prej mbi 20,000 rastesh të reja në javën e fundit dhe një numër total të infeksioneve prej mbi 957,000,  ndërkohë që 34,000 persona kanë vdekur.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.