“France 2”, reportazh promovues për turizmin: Shqipëria “parajsa e fshehtë”, destinacioni i ri me çmime të lira
Vendi ynë vazhdon të jetë në fokus të mediave ndërkombëtare. Kështu, turizmi në Shqipëri dhe pamjet e mrekullueshme të vendit tonë nuk kanë mbetur jashtë vëmendjes së mediave franceze.
Konkretisht, mbrëmjen e djeshme, Shqipëria Turistike ishte në fokusin e “TV France 2”, ku në edicionin e lajmeve kryesore, në orën 20:00, u transmetua reportazhi promovues për turizmin: “L’Albanie, nouvelle destination bon marché”- “ Shqipëria, destinacioni i ri me çmime të lira”.
“Shqipëria, një parajsë e fshehtë, përballë Italisë, midis Greqisë dhe Malit të Zi. Ujërat kristalë të qartë, peizazhet malore, natyra e ruajtur. Shqipëria, e cila për një kohë ka qenë e distancuar nga bota për shkak të diktaturës komuniste, është duke tërhequr gjithnjë e më shumë turistë me çmimet e saj të lira. Mund të zhyteni në zemër të së ashtuquajturës “Perla e Ballkanit”, transmeton TV France 2. ku vendi ynë cilësohet si një destinacion turistik në rritje dhe një vend për t’u eksploruar.
Mund të shikoni reportazhin duke klikuar këtu..
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.