Frymëmarrje për Euron, tenton të rimarrë veten – Paundi britanik ndal hovin
Dita e martë ka regjistruar luhatje të ndryshme në tregun e këmbimit valutor vendas, ku pjesa më e madhe e monedhave të huaja kanë regjistruar një rënie të lehtë kundrejt lekut, përveç euros. Valuta e eurozonës, pas disa ditësh e fiksuar në kuotën e 124.5 lekëve, ka tentuar të marrë veten ditën e sotme. Nga të dhënat e “Credins Bank”, euro është rritur minimalisht me 0.1 njësi për lekë, për t’u ngjitur në nivelin e 124.6 lekëve.
Ndërkohë, paundi britanik nga ana tjetër ka ndalur hovin, ndryshe nga një ditë më parë. Monedha ka rënë lehtë me 0.1 njësi për lekë kundrejt valutës vendase dhe këmbehet sot për 145.5 lekë në blerje dhe 146.3 lekë në shtije. Situata e sterlinës vijon të mbetet ende e paqartë, ndërsa data e divorcit të Britanisë me Bashkimin Europian pritet të ndodhë vetëm pas pak ditësh.
Të njëjtin trend rënës po me 0.1 pikë ka ndjekur edhe dollari amerikan, për t’u këmbyer sot me 109.7 lekë në blerje dhe 110.5 lekë në shitje.
Lidhur me valutat e tjera të huaja, dollari australian është dobësuar ditën e martë me 0.3 pikë nga monedha vendase, për të zbritur në kuotën e 77.7 lekëve. Dollari kanadez po ashtu ka regjistruar një rënie të lehtë ditën e sotme me 0.1 njësi për lekë, ndërsa mbetet në vlera të pandryshuar nga një ditë më parë franga zvicerane, e fiksuar në kuotën e 109.5 lekëve.
G.D/SCAN
Ju mund të informoheni për Kursi i këmbimit valutor çdo ditë, përmes telefonit tuaj
Shkarkoni FALAS aplikacionin SCAN Media
PlayStore https://play.google.com/store/apps/details?id=com.scan_tv.tv
AppStore https://itunes.apple.com/al/app/scan-media/id1448376226?mt=8
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.