‘Fshehje të ardhurash’ dhe ‘Ushtrim pa licencë të veprimtarive bankare’ – Policia arreston 5 kambistët
Policia e Shkodrës ka bërë të mundur finalizimin e operacionit në kuadër të planit të posaçëm kundër informalitetit të koduar “Kambistët”
Sipas njoftimit të policisë janë vënë në pranga 5 kambistë, 2 shtetas të tjerë gjithashtu u proceduan penalisht.
Shtetasit akuzohen për veprat penale ”Ushtrimi pa licencë i veprimtarisë bankare” dhe “Fshehja e të ardhurave”.
Të arrestuar në flagrancë janë shtetasit:
B.D., 60 vjeç, lindur dhe banues në Shkodër, proceduar edhe më parë për këtë vepër penale.
A.Q., 54 vjeç, lindur dhe banues në Shkodër, proceduar edhe më parë për këtë vepër penale.
L.G., 46 vjeç, banues në Kozmac, Bashkia Vau i Dejës, proceduar edhe më parë për këtë vepër penale.
Y.B., 57 vjeç, lindur dhe banues në Shkodër, proceduar edhe më parë për këtë vepër penale.
M.B., 56 vjeç, lindur dhe banues në Shkodër, proceduar edhe më parë për këtë vepër penale.
Gjithashtu u proceduan edhe shtetasit P. M. dhe R. R.
Në cilësinë e provës materiale u sekuestruan një sasi parash që këta shtetas e përdornin për të kryer këmbimin valutor në mënyrë të kundërligjshme.
Materialet procedurale i kaluan Prokurorisë pranë Gjykatës së Shkallës së Parë Shkodër.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.