FSHF-tifozëve: Biletat për Italinë mund t’i merrni deri në 16 Mars

FSHF nëpërmjet një njoftimi për mediat bën të ditur se biletat për ndeshjen me Italinë mund të merren deri më 16 Mars.

“Për të gjithë tifozët shqiptarë të cilët janë të interesuar të kenë një biletë në sektorin e miqve për ndeshjen eliminatore zyrtare Itali-Shqipëri, e planifikuar për t’u luajtur në 24 mars në orën 20.45 në “Renzo Barbera” të Palermos, FSHF njofton se mirëpret gjithsecilin deri në datën 16 mars pranë zyrave të saj për të pasur mundësinë e marrjes së biletave”, thuhet në njoftim.

Vetë Federata Italiane e Futbollit kishte vënë si afat kohor ditën e sotme për të gjithë ata që donin të merrnin një biletë për këtë ndeshje.

“Pas një kërkese nga ana e Federatës Shqiptare të Futbollit, ky afat është shtyrë deri në datë 16 mars, kështu që deri në atë ditë ju ftojmë pranë zyrave të FSHF-së për këdo është i interesuar dhe kërkon të pajiset me një biletë për takimin e kombëtares shqiptare”, thuhet në njoftimin e FSHF.

Osman Dedja/SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.