FSHZH njofton hapjen e vendeve për praktikë pune – Ja kriteret, pozicionet dhe mënyra e aplikimit
Fondi Shqiptar i Zhvillimit nëpërmjet një njoftimi në faqen zyrtare ka njoftuar hapjen e disa pozicioneve për praktikë pune.
Programi i Praktikës së Punës afatgjatë do të ofrojë mundësisë e një përvoje pune në një mjedis dinamik dhe në bashkëpunim me profesionistë në fusha të ndryshme. Praktika do të ketë një kohëzgjatje 6 – 12 muaj në varësi të pozicionit të punës dhe do të ketë pagesë, njofton FSHZH.
Praktikantët do të vendosen në zyrat e FSHZH në rajonet Tiranë, Vlorë, Korçë e Shkodër. FSHZH njofton se në aplikim përfshihen studentën që kanë përfunduar studimet në nivelin master ose janë drejt përfundimit.
Përfitimet nga Programi i Praktikave të Punës përfshijnë: Identifikimi dhe zhvillimi i kapaciteteve njerëzore, Tërheqja dhe promovimi i talenteve të reja, Mundësi punësimi, Ndërveprim me profesionistë, Eksperiencë gjithëpërfshirëse.
FSHZH-së i nevojiten praktikantë në pozicione pune të larmishme dhe në të katër rajonet. Pozicionet e hapura për praktikantë janë si më poshtë:
Specialistë pranë Zyrës Qendrore:
- Specialist pranë Departamentit të Zhvillimit Rajonal që merret me hartimin e programeve, programimit të investimeve, zbatimit të projekteve të bashkëpunimit;
- Specialist pranë Departamentit të Menaxhimit të Projketeve/Programeve që merret me menaxhimin e projekteve dhe analizën në terma të ndjekjes së kostos, afatit dhe cilësisë;
- Specialist pranë Departamentit të Infrastrukturës që merret me çështje të lidhura me zbatimin e kontratave të punimeve të infrastrukturës, mjedisit etj;
- Specialist pranë Departamentit të Financës që merret me përgatitjen e raportimeve financiare, përgatitjen dhe ndjekjen e buxhetit, hartimin e pasqyrave financiare;
- Specialist pranë Departamentit Juridik dhe të Prokurimit që merret me asistencën ligjore të institucionet, ndjekjen e çështjeve gjyqësore, prokurimet etj;
- Specialist pranë Njësisë së Marrëdhënieve me Grupet e Interesit që mbulon marrëdhëniet me publikun, prodhimin e materialeve publicitare video, foto, reportazhe etj;
- Specialist pranë Departamentit të Funksioneve Mbështetëse që mbulon cështje të lidhura me burimet njerëzorë, llogaritjen e pagave, teknologjinë e informacionit dhe administratën.
Specialistë pranë Njësive Rajonale:
- Specialist pranë Njësisë Rajonale Shkodër që merret me inspektimin e punimeve të projekteve në rajon, me përfaqësimin, koordinimin dhe mbledhjen e të dhënave;
- Specialist pranë Njësisë Rajonale Tiranë që merret me inspektimin e punimeve të projekteve në rajon, me përfaqësimin, koordinimin dhe mbledhjen e të dhënave;
- Specialist pranë Njësisë Rajonale Korçë që merret me inspektimin e punimeve të projekteve në rajon, me përfaqësimin, koordinimin dhe mbledhjen e të dhënave;
- Specialist pranë Njësisë Rajonale Vlorë që merret me inspektimin e punimeve të projekteve në rajon, me përfaqësimin, koordinimin dhe mbledhjen e të dhënave.
4. PROFILI I KANDIDATËVE
Kandidatët duhet të jenë të diplomuar në nivelin Master Profesional/Shkencor ose studentë në vitin e fundit të nivelit master në profilet:
- Arkitekturë-Urbanistikë (Arkitekturë, Planifikim & Zhvillim Urban, etj.);
- Shkenca Inxhinierike (Ndërtim, Hidroteknikë, Gjeo-Informatikë, etj.);
- Shkenca Ekonomike (Financë-Kontabilitet, Biznes, Agro-Biznes, Marketing-Turizëm, Ekonomiks, etj.);
- Shkenca Juridike;
- Shkenca Sociale (Punë Sociale);
- Shkenca Komunikimi (Gazetari, Marrëdhënie me Publikun, etj.);
- Shkenca Kompjuterike (Informatikë, preferohet me njohuri në programim & databaza).
Kandidatët duhet të kenë:
- Njohuri të paketës MS-Office dhe të një gjuhe të huaj (preferohet anglisht);
- Aftësi analitike;
- Aftësi për të prezantuar, komunikuar dhe punuar në një ambient dinamik;
- Integritet, energji dhe përkushtim për të kryer me sukses detyrat e ngarkuara gjatë këtij programi.
5. APLIKIMI
Aplikimi do të kryhet në formën e aplikimit në faqen web (më poshtë) duke paraqitur materialet e mëposhtme:
- Curriculum Vitae (CV)
- Video të shkurtër prezantuese të kandidatit/es (jo më shumë se 3 minuta) bazuar në tre drejtime: prezantim i vetes; synimet dhe pritshmëritë personale për të ardhmen; shtysat dhe arsyet pse dëshiron të jesh pjesë e FSHZH-së.
Linku i aplikimit: https://www.albaniandf.org/karriera/aplikim/
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.