FSHZH: Projekt i ri në Bashkinë Poliçan – Synohet nxitja e turizmit dhe investime të reja në fushën e bujqësisë dhe blegtorisë

FSHZH nëpërmjet një njoftimi në faqen zyrtare ka bërë me dije se do të zhvillohet një projekt i ri me financim nga Qeveria Shqiptare dhe zbatim nga Fondi Shqiptar i Zhvillimit i cili synon ndërtimin e një rruge mbi gjurmën ekzistuese në mënyrë që kjo rrugë të bëhet lehtësisht e aksesueshme për banorët dhe vizitorët vendas dhe të huaj.

Segmenti rrugor “Mbrakull, Kapinovë, Barkullas dhe Novaj Tomorr” bën pjesë në Bashkinë Poliçan dhe shtrihet nga segmenti i rrugës Berat-Poliçan deri në Vendin e Shenjtë të Teqesë.

Pjesë e projektit janë ndërhyrjet e mëposhtme:

• Asfaltimi i rrugës
• Sinjalistikë horizontale dhe vertikale
• Mbrojtje rrugore metalike (guardrail)
• Infrastrukturë për largimin e ujërave të shiut
• Ndërtim vepra arti të reja
• Aktualisht punimet po vazhdojnë në disa procese:
• Zgjerim të rrugës nga km 10.000 në vazhdim
• Hedhja e shtresës së çakullit
• Ndërtim i kanaleve anësore
• Hedhja e shtresës së binderit

Ky projekt pritet të nxisë turizmin si dhe investime të reja në fushën e bujqësisë dhe blegtorisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.