Ftesa e kryeministrit për të kontribuar për “Shqipërinë që duam”, Rama: Në 24 orë rreth 800 shprehje interesi
Një ditë pasi iu bëri apel gjithë personave që janë shkolluar brenda e jashtë vendit e që duan t’i bashkohet projektit të qeverisë në këtë mandat të ri, për të bërë shtet me punë e mirëqenie, kryeministri Rama ka dhënë të tjera detaje përmes një postimi në rrjetin social Facebook.
Kreu i qeverisë shkruan në këtë postim se ka pasur rreth 800 shprehje interesi lidhur me ftesën e tij të djeshme.
Në këtë postim, kryeministri Rama ka dhënë edhe një sqarim, se cilëve iu drejtohej ftesa për të shkruar në “[email protected]” ku thekson se kjo nuk është adresë e një zyre për punëkërkuesit e të gjitha kategorive: “Falenderim & Sqarim Kanë ardhur brenda 24 orësh afro 800 shprehje interesi lidhur me ftesën time të djeshme. Shumë faleminderit! Por duke parë përmbajtjen e tyre, del nevoja të sqarohet se kjo adresë nuk është adresa e një zyre për punëkërkuesit e të gjitha kategorive. Është një adresë për këdo mendon se ka një eksperiencë të suksesshme, në atdhe apo jashtë vendit, dhe dëshiron ta verë në dispozicion të përpjekjes së katër viteve të ardhshme për Shqipërinë që duam. Të gjitha rastet e tjera trajtohen nga institucionet përkatëse, sipas procedurave administrative përkatëse. Edhe njëherë faleminderit të gjithëve”, shkruan Rama.
shqiperiaqeduam@kryeministria.alFalenderim&SqarimKanë ardhur brenda 24 orësh afro 800 shprehje interesi lidhur me…
Posted by Edi Rama on Wednesday, July 5, 2017
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.