Fundjavë pozitive për Bitcoin – Shton $1,000. Shënon nivelin më të lartë në 9 muaj
Bitcoin ka shtuar më shumë se 1,000 dollarë këtë fundjavë, duke prekur nivelin më të lartë që prej muajit Gusht, ndërkohë që kriptovalutat vazhduan rimëkëmbjen pas rënies së muajit të kaluar, që erdhi nga një hetim i prokurores së përgjithshme të New York-ut.
Bitcoin u rrit me rreth 7% në 7,445 dollarë gjatë fundjavës, sipas Bitstamp. Ditën e Premte, kriptovaluta e mbylli tregtinë në 6,290 dollarë. Thuajse të gjithë kriptovalutat kryesore kanë shtuar më shumë se 8% gjatë fundjavës. Çmimi i Bitcoin, kriptovalutës më të madhe, është dyfishuar nga Dhjetori dhe ka treguar rritje për 6 ditë radhazi sipas indeksit të Bitstamp.
Monedha 10-vjeçare u rrit ndërkohë që tensionet tregtare goditën tregun e aksioneve në javën e kaluar. Bitcoin arriti majën prej 20,000 dollarë në vitin 2017. Valutat virtuale ranë ndjeshëm muajin e kaluar, pasi Prokurorja e Përgjithshme, Letitia James, hetoi për një mashtrim prej 850 milionë dollarë nga kompanitë për monedhën Tether dhe një nga bursat më të mëdha të kriptovalutave, Bitfinex. Më 26 Prill, kriptovalutat humbën 11%, që ishte rënia më e madhe vjetore.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.