Fuqizohet tregtia kineze. Rritja e parë e importeve që prej nisjes së pandemisë
Importet kineze u rritën në Qershor për të parën herë që kur kriza e koronavirusit paralizoi ekonominë, ndërkohë që stimujt qeveritarë nxitën kërkesën për lëndë të para. Eksportet patën gjithashtu rritje, nxitur nga mallrat mjekësorë, duke shtuar shenjat e një rimëkëmbjeje. Pekini ka ofruar stimuj masivë për të mbështetur kërkesën, pavarësisht se rikthimi i infeksionit të koronavirusit ka ngritur dyshime mbi fuqinë e rimëkëmbjes së ekonomisë botërore.
Importet kineze u rritën me 2.7% në Qershor me bazë vjetore, duke hedhur poshtë pritshmëritë e tregut për një rënie me 10% dhe sipër rënies prej 16.7% të muajit të kaluar. Eksportet u rritën gjithashtu me 0.5%, duke treguar se kërkesa botërore po nis të rimëkëmbjet, ndërkohë që shumë vende po lehtësojnë masat e karantinës së koronavirusit. Importet e hekurit u rritën në nivelin më të lartë në 33 muaj gjatë Qershorit, nxitur nga dërgesat e minatorëve dhe kërkesa e fortë. Importet e naftës shënuan gjithashtu një nivel rekord, prej negociatave nga rafineritë kineze ndërkohë që çmimet kolapsuan.
Importet e Kinës nga Shtetet e Bashkuara u rritën me 11.3% në Qershor, duke përmbysur rënien dyshifrore përpara virusit. Analistët thonë se pavarësisht sfidave të pandemisë, Kina po vazhdon të respektojë angazhimet e marrëveshjes tregtare. Presidenti Donald Trump tha javën e kaluar se nuk mendon të negociojë një marrëveshje të fazës së dytë me Kinën, ndërkohë që marrëdhëniet mes Washingtonit dhe Pekinit janë dëmtuar rëndë prej pandemisë së koronavirusit dhe çështje të tjera. Sufiçiti tregtar i kinës me SHBA u zgjerua në 29.4 miliardë dollarë në Qershor, nga 27.9 miliardë një muaj më parë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.