Furnizimi 24 orë me ujë-UKT hap tender për hartimit e projektit dhe faturën që nevojitet

Brenda 6-muajsh Ujësjellës-Kanalizime Tiranë synon të ketë gati projektin dhe faturën e nevojshme për furnizimin 24 orë më ujë.

Përmes një tenderi me vlerë rreth 68 mln lekë UKT do të kontraktojë kompaninë që do të realizojë projektin, që duhet te zgjidhë furnizimin me ujë të pijshëm 24 orë të qytetit të Tiranës, për të plotësuar nevojat për sot dhe për një perspektivë 20-25 vjeçare.

Gjithashtu, referuar dokumenteve të tenderit, projekti duhet te zgjidhë jo vetëm sigurinë e furnizimit me ujë 24 orë të abonenteve, por një ndër objektivat kryesore është eleminimi i ndotjeve të mundshme në rrjetin shpërndarës.

Kjo pasi, sipas të dhënat aktuale, stacionet e pompimit të ujërave nëntokësore nuk garantojnë një cilësi sipas standardeve të Komunitetit Evropian pasi nuk ekziston asnje zone saniteti , reptesie dhe mbikqyrje. ”Herë pas here këto burime dalin te ndotura me Esheria Coli”,-thuhet në dokumentet e tenderit, duke shtuar se shoqëria po harton studimin për nxjerrjen e tyre jashtë pune dhe furnizimin nga Impianti i Bovilles.

Ndërkaq, proejkti për furnizimin 24 orë më ujë, duhet te zgjidhë edhe eleminimin e përdorimit të elektropompave në hyrje të ndërtesave, duke sjellë kursimin e një sasie të madhe energjie.

Gjithashtu, projekti duhet te zgjidhë eleminimin e sistemit të rezervuarëve të ndërtuar në tarracat e ndërtesave si dhe eleminimin e rezervuarëve të ndërtuar në nëngodinat e reja shumëkatëshe.

Aktualisht, humbjet në rrjetin e ujësjellësit të Tiranës regjistrohen në 65%, ndërkohë që projekti i ri duhet të synojë reduktimin e tyre në  20%.

Ola Mitre/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.