Furnizimi me ujë – Rrjet i ri për 10 mijë banorë në njësinë.4
Rreth 10 mijë banorë të Njësisë nr. 4 në Tiranë, së shpejti nuk do të kenë më probleme me furnizimin me ujë të pijshëm.
Kryetari i Bashkisë së Tiranës, Erion Veliaj, inspektoi fillimin e punimeve për ndërtimin e rrjetit të ri të ujësjellës-kanalizimeve në rrugën “Myslym Keta”.
Kryebashkiaku Veliaj theksoi se krahas procesit të legalizimeve, një vëmendje e posaçme po i kushtohet edhe urbanizimit të këtyre zonave në periferi të kryeqytetit, për t’u ofruar qytetarëve kushte më të mira jetese.
Veliaj theksoi se tashmë investimet e Bashkisë së Tiranës bëhen me kapacitete më të mëdha për të plotësuar nevojat në të ardhmen.
Zona ku ka nisur investimi kufizohet nga rrugët “Myslym Keta”, “Rexhep Tarja” dhe “Zef Serembe”.
Për 25 vjet nuk pa pasur një rrjet kanalizimesh të mirëfilltë, por ka funksionuar me tubacione të veçuara, që lidheshin me rrjetin e vjetër të një zone aty pranë.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.