Furnizuesit e cigareve, takim me tatimet – Diskutohen ndryshimet në akcizë që rrisin çmimin

Ndryshimet në Paketën Fiskale, krahas biznesit të vogël, parashikojnë disa efekte edhe për furnizuesit e cigareve, si në akcizë ashtu edhe në procedura.

Në Drejtorinë e Përgjithshme të Tatimeve u zhvillua një takim konsultativ me një përfaqësi të furnizuesve kryesorë të cigareve në vend, ku në fokus të bisedimeve ishin pikërisht ndryshimet e parashikuara në Paketën Fiskale 2018 të cilat prekin këtë sektor.

Vëmendje e veçantë iu dedikua zbatimit të skemës së furnizimit të cigareve, kryesisht detyrimit për deklarimin dhe pagesën e TVSH-së për gjendjen e stokut nga furnizuesit e cigareve pas efekteve të ndryshimit të çmimit.

Drejtoria e Përgjithshme e Tatimeve dhe përfaqësia e furnizuesve të cigareve ranë dakord të shqyrtojnë një paketë propozimesh të mbërritur nga kjo e fundit për lehtësimin dhe zbatimin korrekt të të gjithë zinxhirit operacional konform kudarit ligjor dhe praktikave më të mira tatimore në rajon e më gjerë.

Akciza për produktet e duhanit propozohet që të rritet me 100 lekë për 1000 cigare, duke e çuar atë në 350 lekë nga 250 lekë që ishte planifikuar në kalendarin aktual.

SCAN

Rritja e çmimit të cigareve, importuesit: Akciza të rritet 5 lekë, jo 7 lekë

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.