“Furtunë” në burgje, ministrja Gjonaj shkarkon 3 drejtorë burgjesh – Hapet gara për emërimin e 23 drejtorëve të burgjeve
Ministrja e Drejtësisë Etilda Gjonaj njoftoi shkarkimin nga detyra të drejtorëve të burgjeve Lezhë, Lushnje dhe Rrogozhinë. Në një komunikim për mediat, Gjoni shpjegoi shkeljet e evidentuara për secilin prej drejtorëve, mes të cilave ishin edhe 6 raste të futjes së lëndëve narkotike brenda ambienteve të këtyre institucioneve. Në total janë evidentuar mbi 150 raste të lejimit të futjes së sendeve të ndaluara, si celularë, karta telefonike, pije alkoolike, apo USB-në ambientet e burgjeve
“Ne jemi të vendosur për zbatimin e ligjit. Nuk do të tolerojmë asnjë rast korrupsioni për çdo zyrtar që zbaton ligjin”, tha Gjonaj.
Më pas ajo lajmëroi dhe hapjen e konkursit për pozicionet e 23 drejtuesve të burgjeve dhe institucioneve të paraburgimit. Krahas tyre, do të mund të aplikohet edhe për pozicionin e drejtorit të Burgut të Shkodrës, për pozicionet e zëvendësdrejtorëve dhe drejtorëve të policisë së burgjeve.
“Nuk do të lejojmë më drejtorë me precedentë penale të cilët kompromentojnë çdo veprim në krye të këtyre institucioneve që drejtojnë. Deri nw zgjedhje të drejtuesve të rinj të dalë nga konkurrimi janë marrë të gjitha masat për komandimin në krye të këtyre burgjeve punonjësit profesionistëve dhe me përvojë shumë të gjatë në karrierën e tyre brenda sistemit të burgjeve”, tha ministrja e Drejtësisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.