Fushatë ndërkombëtare për turizmin/Klosi: Angazhim për imazhin. Ndërkombëtarët, mesazhe politikës
Ministria e Turizmit dhe Mjedisit ka lancuar fushatën ndërkombëtare “BE Taken by Albania” një fushatë e cila synon promovimin ndërkombëtar të asaj çka ofron Shqipëria, me synim zhvillimin turistik dhe ekonomik të vendit.
Ministri Klosi bëri thirrje për më shumë angazhim dhe nisma të tilla për të ndryshuar imazhin e Shqipërisë jashtë kufijve dhe për përthithjen e sa më shumë turistëve.
Ambasadori i BE në Tiranë, Luigi Soreca shprehu mbështetjen për lancimin e potencialeve turistike të vendit edhe përmes një tjetër programi që do nisë këtë vit, me një financim prej 40 milion eurosh.
Ne event nuk munguan mesazhet për politikën shqiptare. Ambasadori i Zvicrës, Adrian Maitre u shpreh se imazhi i vendit do të përmirësohej dhe më shumë nëse vendimmarrësit do të bashkëpunojnë.
Më tej ambasadori Zviceran shtoi se së shpejti do të ketë një linjë ajrore Zvicër-Shqipëri gjë e cila do të ndihmoj në fuqizimin e biznesit dhe turizmit.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.