G20, gati për çdo masë – Ministrat e financave angazhohen për të ndërhyrë dhe bashkëpunuar

Ministrat e financave të G20 dhe krerët e bankave qendrore premtuan të marrin masa fiskale dhe monetare “të përshtatshme” për t’iu përgjigjur shpërthimit të koronavirusit dhe për të mbrojtur rritjen ekonomike kundër goditjeve.

Në një deklaratë të përbashkët të lëshuar nga Arabia Saudite, drejtuese e radhës e G20,  ministrat, të cilët u takuan në Riad muajin e kaluar, thonë se ata mirëpritën masat dhe planet e paraqitura tashmë nga vendet për të mbështetur aktivitetin ekonomik.

“Ne jemi të gatshëm të ndërmarrim veprime të mëtejshme, përfshirë masat fiskale dhe monetare, sipas rastit, për të ndihmuar në përgjigjen ndaj virusit, të mbështesim ekonominë gjatë kësaj faze dhe të ruajmë rezistencën e sistemit financiar”, tha grupi.

Deklarata e G20, e cila u verifikua nga një zëdhënëse e Thesarit të Sh.B.A-së, pason një premtim të ngjashëm nga drejtuesit e financave të G7 të martën për të përdorur të gjitha mjetet e duhura të politikave për të arritur një rritje të fortë të qëndrueshme përballë virusit.

Në mbledhjen e tyre të 22-23 Shkurt në Riad, ministrat e G20 kërkuan monitorimin e virusit, i njohur si COVID-19, dhe thanë që ata ishin të gatshëm për të adresuar rreziqet e tij.

Që atëherë, përhapja e shpejtë jashtë Kinës ka dërguar në tregjet financiare botërore në krizë të thellë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.