G7 harton planet për të ndihmuar 40 milion vajza nga vendet e varfëra të arsimohen
Sekretari i Shtetit i SHBA do të zhvillojë bisedime me homologun e tij britanik, Dominic Raab, ndërsa Britania e Madhe po harton planet për të vendosur objektiva të reja globale për të ndihmuar arsimin e vajzave në një kohë kur Londra po pret në mënyrë drastike ndihmën për sektorin.
Udhëtimi i Antony Blinken në Londër për takimin e G7 do të përfshijë diskutime me ministra të tjerë të jashtëm dhe të zhvillimit të Martën dhe të Mërkurën. Është takimi i parë ballë për ballë në nivelin G7 për dy vjet dhe ministrat e jashtëm nga Koreja e Jugut, Australia, India dhe Afrika e Jugut do të marrin pjesë gjithashtu në disa nga bisedimet.
Zyra e Jashtme ka zgjedhur të nxjerrë në pah planet për një synim të ri për dërgimin e 40 milion vajzave nga vendet me të ardhura të ulëta dhe të mesme në shkollë brenda pesë viteve. Ministrat do të përdorin samitin e Londrës për të rënë dakord kolektivisht për të ndihmuar gratë në vendet në zhvillim me një paketë mbështetje dy-vjeçare prej 15 miliardë dollarësh.
Shpenzimet mesatare të ndihmës në Mbretërinë e Bashkuar që nga viti 2016 në arsimin e vajzave kishin qenë 672 milion $ në vit, por zotimi i 2021 ishte caktuar në 400 milion £.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.