Galaxy S8 me 12 milion njësi që në ditën e parë në treg
Sipas një raporti Samsung parashikon shitje edhe më të larta për Galaxy S8, kompania po planifikon të hedhë 12 milionë njësi në lançim.
Raporti tregon se kompania do të ketë 4.7 milionë njësi të gatshme gjatë këtij muaji dhe 7.8 milionë pajisje të tjera në prill.
Megjithatë, nuk dihet se sa njësi do të jenë Galaxy S8 dhe sa prej tyre do të jenë Galaxy S8+. Nuk dihet ende nëse Samsung do të jetë në gjendje apo jo të shesë 12 milionë njësi, por kjo mbetet ende për tu parë.
Mund të ndodhë që kompania të ketë kërkesë më të madhe dhe kështu të mbesë pa rezerva sepse kur bëhet fjalë për telefonat Samsung, ashtu sikurse edhe për telefonat e Apple, ka një garanci që produktet shiten sa hap e mbyll sytë.
Viola Hydi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.