Gati fatura për pronarët/Drejtoresha e ATP: Vlerësimi final më 23 shkurt, shumë pak aplikime
Më 23 shkurt, Agjencia e Trajtimit të Pronave do të ketë gati faturën financiare që duhet të paguajë shteti për procesin e kthim kompensimit për pronarët, gjë që u jep të drejtën këtyre të fundit të nisin zyrtarisht aplikimet, duke ju drejtuar edhe gjykatës në rastet kur janë të pakënaqur.
Drejtoresha e Trajtimit të Pronave ka zhvilluar një leksion të hapur me studentët e Universitetit Evropian të Tiranës, të cilët i ka njohur me ecurinë e procesit të trajtimit të pronës dhe vijimin e tij.
Ajo sqaroi se në funksion të kompensimit të pronarëve Qeveria ka vënë një fond toke prej 23 mijë hektarësh, si dhe një fond financiar prej 50 miliardë lekësh.
Kreu i Agjencisë së trajtimit të pronave e vuri theksin te numri shumë i ulët i aplikimeve dhe problematikat e mëdha me të cilat përballet procesi i kthim kompensimit të pronarëve, që nisin nga mbivendosjet për shkak të korrupsionit në vite, te djegia apo vjedhja e kadastrave deri te vendimet korruptive të gjykatave.
Baçi shpjegoi se sipas ligjit të ri, pronarët do të kompensohen në vlerën 20% të totalit në para’ dhe 80% në truall.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.