Gati këndi i 25-të i lodrave – Veliaj, ambasadave: Do ketë në çdo lagje, kontribuoni

Bashkia e Tiranës me mbështetjen e ambasadës çeke ka përfunduar ndërtimin e këndit të 25-të të lodrave në Njësinë Administrative Nr.7.  Në përurimin e tij ishte i pranishëm kryebashkiaku, Erion Veliaj, i cili ftoi përfaqësitë diplomatike, të kontribuojnë për të tjerë kënde.

Bashkia e Tiranës me mbështetjen e ambasadës çeke ka përfunduar ndërtimin e këndit të 25-të të lodrave në Njësinë Administrative Nr.7.  Në përurimin e tij ishte i pranishëm kryebashkiaku, Erion Veliaj, i cili tha se projekti i ndërtimit të këndeve rekreative do të vazhdojë në çdo lagje, ndërsa ftoi përfaqësitë e tjera diplomatike, të kontribuojnë për ta çuar edhe më tej këtë projekt.

“Më vjen mirë që e mbyllëm këtë muaj me këndin e 25 të lojërave, për të vijuar po në këtë zonë edhe me dy-tre të tjerë, edhe me fushat e basketbollit. Jam shumë i lumtur me mënyrën se si një premtim për të bërë një kënd lojërash tek Liqeni, pastaj nga një në çdo njësi, sot i ka tejkaluar pritshmëritë tona dhe do të doja që nën shembullin e ambasadës çeke, edhe të tjerë që duan të na japin një dorë, të ndajmë kostot, gjysmën Bashkia, gjysmën donatori, e të vazhdojmë kështu”.

Investimi për jetëzimin e sheshit “Bajram Curri” ka bërë të mundur rikualifikimin estetik të zonës, përmes shtimit të gjelbërimit, ndriçimit dhe ndërtimit të infrastrukturës çlodhëse për të rritur. Gjithashtu, një tjetër element i rëndësishëm është ndërtimi i infrastrukturës për rekreacion pasiv për të rritur, pasi shërbejnë si vende ku njerëzit komunikojnë, ndërtojnë komunitetin dhe përmirësojnë shëndetin dhe mirëqenien.

Ola Mitre/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.