Gati ligji që padit OPEC – Në panelin e Senatit të SHBA. Synohet shmangia e marrëveshjeve të fshehta
Një panel i Senatit të SHBA do të shqyrtojë javën e ardhshme një projektligj ndaj grupit të prodhimit të naftës OPEC dhe vendeve që punojnë me të në padi për marrëveshje të fshehtë për rritjen e çmimeve të naftës.
Projektligji, i mbështetur nga senatorë demokratë dhe republikanë, do të merret në shqyrtim pasi administrata Biden po përpiqet të kontrollojë çmimet e naftës dhe benzinës që janë rritur nga pasiguria rreth furnizimeve globale të papërpunuara pas pushtimit rus të Ukrainës.
Projektligji, i jep mundësinë Prokurorit të Përgjithshëm të SHBA që të padisë vendet prodhuese të naftës, siç janë ato në Organizatën e Vendeve Eksportuese, sipas ligjeve anti-trust. Një version të ngjashëm miratoi Komiteti Gjyqësor i Dhomës së Përfaqësuesve të SHBA-së vitin e kaluar.
Ndërsa, ky projektligj ka dështuar për t’u miratuar në Kongresin e SHBA për gati 22 vjet, mbështetësit thanë se ky mund të jetë viti që do të miratohet për shkak të veprimeve të Rusisë, e cila kohët e fundit ka prodhuar rreth 10% të naftës në botë.
Çmimet e naftës u rritën në nivelet e tyre më të larta që nga viti 2008 në fillim të këtij viti pas pushtimit rus të Ukrainës dhe mbeten në më shumë se 100 dollarë për fuçi nga frika se konflikti do të mbajë të shtrënguar furnizimet në një treg global të naftës së papërpunuar tashmë të stresuar.
Arabia Saudite, prodhuesi kryesor në OPEC, ka kundërshtuar thirrjet e Uashingtonit për të rritur prodhimin e naftës me më shumë se rritjet graduale për të cilat ka rënë dakord si një anëtare e grupit OPEC+ që përfshin Rusinë.
Nëse projektligji miratohet në të dy dhomat e Kongresit, do të duhet nënshkrimi i Presidentit Joe Biden për t’u kthyer në ligj.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.