Gati lista e ndërtuesve abuzues – Rama: Nuk do të preken fondet e shërbimeve, shtëpitë e para do të ndërtohen në Laç ndërsa në Tiranë do të realizohen tre lagje të reja
Në mbledhjen e qeverisë gjatë mëngjesit të sotëm, kryeministri Edi Rama deklaroi se është në fazën përfundimtare përpilimi i listës së ndërtuesve abuzues të cilët më pas do të përballen me drejtësinë. “Hartimi i listës së atyre që do të bëjnë riparimet është në fazë përfundimtare, ne do të ndajmë pjesën kush do të bëjë dhe kush jo, duke parë gatishmërinë e tyre dhe duke vlerësuar kushtet e tyre financiare, pasi disa deklarojnë se kanë falimentuar dhe do të falimentojnë edhe në raport me ligjin nëse do të shmangen,” tha ai.
Ai bëri me dije se ditën e Diel do të jetë në Stamboll në konferencën e madhe të investitorëve myslimanë për të mbledhur sa më shumë fonde.
Gjithashtu ai tha se në Tiranë do të bëhen tre lagje të reja dhe jo dy, të cilat do të jenë te ‘5 Maji’, ‘Kombinati’ dhe tek ‘ish-Uzina e Autotraktorëve’ në Shkozë. Nga Laçi do të fillojnë rindërtimet e para pas tërmetit të cilat do të realizohen nga kreu i shtetit turk, Erdogan, theksoi kryeministri.
Mbledhje e Jashtëzakonshme e Këshillit të Ministrave
Posted by Edi Rama on Wednesday, December 4, 2019
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.