Gati revolucioni në industrinë e dërgesave me anije – Eliminon milionë shkresa dhe ul kostot
Globalizimi ka sjellë me vete rrjetet më të avancuara të tregtisë që bota ka parë ndonjëherë, me anije të mëdha dhe të shpejta, porte të operuar nga robotët dhe një databazë kompjuterike gjigande që gjurmon dërgesat. Por kjo indrustri bazohet ende në miliona e miliona shkresa e dokumente.
Tashmë, pengesa më e madhe e tregtisë, pritet të bjerë falë një bashkëpunimi të disa prej kompanive më të mëdha në këtë sektor dhe kompanive teknologjike, të cilat së bashku do të përmirësojnë rrjetin logjistik më të komplikuar të botës.
Çelësi për të bërë këtë gjë është teknologjia blockchain, e përdorur tashmë në shumë industri, që nga kriptovalutat tek mbajtësit e naftës, një sistem elektrik i cili lejon transaksionet të verifikohen në mënyrë autonome.
Nëse do t’ia arrijnë, dokumentacionet që zakonisht kërkojnë ditë do të bëhen për punë minutash, pjesa më e madhe pa nevojë për dorën e njeriut. Kostot e lëvizjes së mallrave ndër kontinentet do të binte ndjeshëm, duke u kthyer në revolucionin më të madh që prej 1960-ës, kur u standardizuan konteinerët që përdoren.
Përfitimet nuk do të jenë të kufizuara tek dërgesa. Duke përmirësuar komunikimin dhe administrimin kufitar falë përdorimit të blockchain, tregtia botërore mund të gjenerojë 1 trilion dollarë shtesë.
Si funksionon aktualisht?
Lista e dokumenteve nis kur një zotërues malli prenoton hapësirë në një anije për të lëvizur mallra. Dokumentet duhet të plotësohen dhe të aprovohen përpara se malli të mund të hyjë apo largohet nga porti. Një dërgesë e vetme mund të kërkojë qindra faqe që duhet të dorëzohen fizikisht në një dyzinë agjencish, bankash, zyrash doganore apo institucionesh të tjera.
Një kompani hetoi gjurmët e letrave të një dërgese trëndafilash dhe avokadosh nga Kenia në Holandë në vitin 2014. Ajo zbuloi se së paku 30 persona dhe organizata ishin të përfshira në procesimin e konteinerit në rrugëtimin e tij në Europë. Dërgesa kërkoi 34 ditë për të mbërritur nga ferma tek blerësit, përfshirë një periudhë 10-ditore ku pritej që të procesoheshin dokumentet. Një nga dokumentet më të rëndësishëm humbi, për t’u gjetur pak më vonë në një pirg me shkresa.
Zbatimi
Teknologjia e propozuar është përdorur me sukses në disa teste të bazuara në platformën blockchain. Megjithatë sfida më e madhe është që industria të bjerë dakord të përdorë një platformë të përbashkët. Linjat e dërgesave gjithashtu duhet të bindin portet dhe organizatat e tjera të përfshira në tregti të adoptojë sistemet e tyre.
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.