Gazi, situata në sektor – Sekretariati: Ku keni dështuar dhe ku keni ecur mirë
Sektori i gazit të paktën që nga viti 2014 është përfshirë në ndryshime rrënjësore ku ndoshta më domethënësja është ajo e modelit të tregut. Sekretariati i Energjisë ka nxjerrë edhe raportin e fundit të muajit shkurt duke bërë vlerësimin e tij për hapat që ka hedhur Shqipëria në raport me objektivat finale për paketën e gazit.
E para e marrë në vlerësim është sigurimi i aksesit të palëve të treta në mënyrë transparente dhe jo diskriminuese. Tre nënkopoentët rezultojnë pa progres dhe bëhet fjalë për vendosjen e mekanizmave të alokimit të kapaciteteve, vendosjen e mekanizmave balancuese bazuar në treg dhe zhvillimi i rregullave transparente dhe jo diskriminuese të tarifimit.
E dyta lidhet me sigurimin e sasisë së gazit dhe parashikimi i një kuadri konkurrues. Për këtë komponent situata paraqitet pozitive dhe në vijim.
Komponenti i tretë ka të bëjë me masat që lidhen me infrastrukturën ku situata është pezull ndërsa komponenti i katërt që ka të bëjë me ndarjen e transmetimit ka progres në vazhdim.
Nertila Maho/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.