Gazprom do të ndërpresë gazin në Moldavi – Vendi nuk paguan detyrimet. Nuk bie dakord për çmimin e gazit
Gazprom do pezullojë eksportet e gazit drejt Moldavisë, nëse nuk merr pagesë për furnizimet e mëparshme dhe nuk nënshkruhet ndonjë kontratë për Dhjetorin. Kontrata e gazit të Moldavisë me Gazprom skadoi në fund të Shtatorit dhe të 2 kanë dështuar të bien dakord mbi çmimin dhe detaje të tjera të një marrëveshjeje të re që prej atëherë.
Moldavia deklaroi gjendjen e emergjencës shtetërore këtë Javë. Vendi është përplasur me Gazprom për çmimin prej 790 dollarë për 1,000 metra kub gaz.
Moldavia i detyrohet Gazprom 709 milionë dollarë për furnizimet e mëparshme të gazit, sipas agjencisë Interfax, që citonte Gazprom. Gjiganti rus ka zgjeruar kontratën e skaduar për Tetorin, por do ta bëjë edhe për Nëntorin vetëm nëse Moldavia paguan furnizimet për Shtator- Tetor. Përfaqësues nga qeveria e vendit do udhëtojnë në Moskë këtë Javë për bisedime me Gazprom.
“Çmimi i gazprom për gazin për Moldavinë, nuk është në interes të qytetarëve tanë”- tha zv/Kryeministri Andrei Spinu, që do marrë pjesë në bisedimet në Moskë. Sipas burimeve për Reuters, Moldavia i ka kërkuar Gazprom të përgjysmojë ofertën e çmimit, ndërsa burime të tjerë thonë se Gazprom ka ofruar shkurtim me 25%.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.