General Motors në grevë për pagat dhe kushtet e punës

Punonjësit e General Motors kanë filluar një grevë këtë të hënë, pasi prodhuesi më i madh i makinave në SHBA dështoi në arritjen e një marrëveshjeje me sindikatën e Punëtorëve të Bashkuar të Automjeteve mbi pagesat dhe kushtet e punës. 50 punonjës marrin pjesë në këtë grevë, e cila është më e madhja që ka goditur këtë kompani që nga viti 2007.

Në atë vit, një bllokim dyditor i punës i kushtoi General Motors rreth 300 milionë dollarë. Kontrata katër vjeçare e sindikatës me kompaninë skadon këtë fundjavë, dhe dy palët kanë mbajtur negociata për një sërë çështjesh, duke përfshirë rrogat, kujdesin shëndetësor, ndarjen e përfitimit si dhe sigurinë në punë.

Sindikata gjithashtu ka luftuar që të ndalojë mbylljen e impianteve të montimit të makinave në Ohajo dhe Miçigan, lëvizje për të cilën kompania është shprehur se është e nevojshme për t’iu përgjigjur ndryshimeve në treg.

Greva vjen në një kohë kur industria e makinave në SHBA po përjeton një ngadalësim në shitje si dhe rritje të kostove të shoqëruar me investime në mjetet elektrike dhe frenimin e emërtimeve.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.