Gjallërimi i ekonomisë – PD prezanton programin e saj në Durrës
Partia Demokrtaike ka prezantuar planin e saj ekonomik në qytetin e Durrësit. Këtë prezantim e ka bërë Florjon Mima, i cili ashtu si Basha është ndalur në taksat e ulta, uljen e TVSH-së dhe rritjen e pensioneve.
“Në 2013 taksat pothuajse u dyfishuan, sot shteti me shkallë tatimore dy herë më të larta se në 2013 mbledh 0.8 për qind të GDP më pak taksa. A jemi të gjithë prezent kur në vitin 2013 u zhduk sistemi dy tarifor në energji elektrike dhe u prezantua një sistem që ishte gati 25% më i shtrenjtë. Kush mendon që me këtë sistem të ri do të mblidhet më shumë? Është gënjeshtër! Zoti Bash ka një tjetër ofertë, shteti do marr taksa aq sa I duhet nga populli, jo ti thithi të gjithë gjakun. Zoti Basha thotë, që në të gjitha taksat që përbëjnë shtyllën kurrizore të sistemit tonë fiskal do të ketë reduktime drastike. Në tatimin mbi të ardhurat personale, të tre shkallët tatimore të prezantuara që kulmojnë në 23 për qindëshin do të shkrihen që ditën e parë të qeverisë së re dhe do prezantohet një taksë e sheshtë 9% mbi të ardhurat”, deklaroi Mima.
Në fushatën për zgjedhjet e 25 qershorit, Partia Demokratike vlerëson programin e saj ekonomik si të vetmen mundësi për të gjallëruar ekonominë e vendit.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.