“Gjallërohet” tregtia nga ajri e deti – Shifrat për gushtin, INSTAT: Rritet edhe numri i pasagjerëve, më pak tregti me hekurudhë
Pas goditjes që pësoi për shkak të COVID-19, shifrat e muajit gusht flasin për një rigjallërim të tregtisë në porte dhe aeroporte, por për një rënie të mallrave të transportuara me hekurudhë, në raport me të njëtën periudhë të vitit 2020. Sipas Institutit të Statistikave, rritjen më të madhe e ka pësuar volumi i mallrave në porte që arriti në 430,4 mijë tonë, duke u rritur me 35.3%, krahasuar me Gusht 2020.
Ndërkohë që, për 8-mujroin volumi i mallrave të tregtuara përmes porteve u rrit me 18.8%, krahasuar me periudhën janar-gusht 2020. Ndërkaq, për gushtin, volumi i mallrave të transportuar me ajër është 154,1 ton, duke u rritur me 13,3 % në krahasim me Gusht 2020, por krahasuar me mesataren e muajve Gusht për periudhën 2018-2020, volumi i mallrave të transportuara me ajër është ulur me 3,0 %. Ndërkaq, pë gushtin e këtij viti volumi i mallrave të transportuara me hekurudhë është ulur me 18.5%, në raport me gushtin e vitit të kaluar, ndërkohë që krahasuar me mesataren e muajve Gusht për periudhën 2018-2020, volumi i mallrave të transportuara me hekurudhë është ulur me 39,3 %.
Ndërkaq, heqja e masave kufizuese nga shumë shtete ka rritur ndjeshëm numrin e pasagjerëve që kanë udhëtuar me linja ajrore Numri i këtyre pasagjerëve në Gusht 2021 është 561.325 pasagjerë duke u rritur 2,7 herë, krahasuar me Gusht 2020. Ndërkohë që, për periudhën janar-gusht numri i këtyre pasagjerëve u rrit m 90.1% në raport me -krahasuar me 8-mujorin 2020. Ndërkaq, numri i pasagjerëve që udhëtojnë me det u rrit me 5 herë në gusht, në raport me gushtin e vitit të kaluar, por krahasuar me mesataren e muajve Gusht për periudhën 2018-2020, numri i pasagjerëve që udhëtojnë me linjë detare është ulur me 3,4 %.
Transporti i mallrave me det
Gusht 2018 314.893 ton
Gusht 2019 380.612 ton
Gusht 2020 318.077 ton
Gusht 2021 430.362 ton
Transporti i mallrave me ajër
Gusht 2018 165,0 ton
Gusht 2019 175,5 ton
Gusht 2020 136,1 ton
Gusht 2021 154,1 ton
Transporti i mallrave me hekurudhë
Gusht 2018 1.986 ton/km
Gusht 2019 4.146 ton/km
Gusht 2020 2.027 ton/km
Gusht 2021 1.652 ton/km
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.