Gjalpë, djathë mocarela dhe 1.8 ton produkte të tjera të skaduara – AKU vijon aksionin në të gjithë vendin

AKU njofton se ushtroi 158 kontrolle zyrtare  dhe monitorime në të gjithë vendin në OBU si: paketim veze, baxho, tregtim fruta-perime, tregtim produkte mishi, përpunim të produkteve të peshkut, tregtim bukë dhe ëmbëlsira, magazinë peshku, etj.

Drejtoritë Rajonale të AKU- së bën me dije se kanë ushtruar veprimtarinë e tyre në bazë të planit vjetor të inspektimit me bazë risku, mbi bazën e denoncimeve të ardhura në rrugët e komunikimit të institucionit ([email protected] / nr. Gjelbër 08007575), kërkesave për licencim, urdhra dhe plane monitorimi dhe verifikim plotësimi kushtesh për IPARD.

Sipas njoftimit gjatë kontrolleve zyrtare sot janë dhënë 35 masa administrative me paralajmërim dhe 2 gjoba për aktivitet jo në përputhshmëri me kornizën ligjore dhe rregullatore të sigurisë ushqimore  ndërsa u bllokuan 1.8 ton produkte ushqimore deri në dalje të rezultatit të analizave laboratorike dhe 450kg djathë mocarela dhe 30kg gjalpë deri në pritje të etiketimit të rregullt.

AKU njofton se referuar Planit Vjetor të Marrjes së Mostrave me bazë risku janë marrë 25 mostra produktesh për analizim të treguesve fiziko-kimikë, mikrobiologjikë dhe toksikologjik.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.