Gjashtë vende të BE ‘goditen’ nga vonesat ‘e papranueshme’ të dërgesave të vaksinave Pfizer

Gjashtë vende europiane etiketuan njoftimin e Pfizer për një vonesë të përkohshme në shpërndarjen e vaksinave COVID-19 si “të papranueshme” duke i bërë thirrje Brukselit për të siguruar “transparencë dhe stabilitet”.

Një zëdhënëse e Pfizer Danimarkë konfirmoi të Premten se në mënyrë që kompania të arrijë objektivin e saj për dy miliardë doza për vitin, objektet në uzinën e saj në Puurs, Belgjikë, duhet të përshtaten çka “kërkon teste të reja të cilësisë dhe miratime nga autoritetet”.

“Si pasojë, më pak doza do të jenë në dispozicion për vendet europiane në fund të janarit dhe në fillim të shkurtit,” shtoi ajo.

Ministrat e shëndetësisë nga Danimarka, Estonia, Finlanda, Letonia, Lituania dhe Suedia shkruajnë në një letër të përbashkët Komisionit Europian pas njoftimit se “kjo situatë është e papranueshme”. “Jo vetëm që ndikon në oraret e planifikuara të vaksinimit, por gjithashtu zvogëlon besueshmërinë e procesit të vaksinimit,” shtuan ata.

Ata po i bëjnë thirrje komisionerit të shëndetit të bllokut për t’i theksuar Pfizer “nevojën për të siguruar stabilitet dhe transparencë të dërgesave në kohë”.

Instituti Norvegjez i Shëndetit Publik (FIH) tha në një deklaratë se “kjo do të thotë që në javën e 3 do të marrim 7,800 doza më pak sesa kishte raportuar më parë Pfizer”. Ai shtoi se do të jetë në gjendje të “kompensojë këtë ulje të dërgesave me rezervat e emergjencës” që ka krijuar.

Një burim qeveritar francez i tha AFP se autoritetet do të rishikojnë strategjinë e saj të vaksinimit “sa më shpejt që Franca të dijë nivelin e saktë të dërgesave në të ardhmen”. Ai shtoi se vonesa nuk do të ndikojë në “vendosjen e përgjithshme të fushatës së vaksinimit” sepse vendi “kishte parashikuar vonesa të mundshme”.

Franca, e cila deri më tani ka marrë rreth 1.5 milion doza, kishte premtuar të premten në mbrëmje 389,000 njerëz. Ajo synon 1 milion vaksina deri në fund të muajit.

Presidentja e Komisionit Ursula von der Leyen u tha gazetarëve në Lisbonë, Portugali, se ajo “menjëherë thirri CEO të Pfizer” pas njoftimit.

“Ai më siguroi që të gjitha dozat e garantuara të tremujorit të parë do të dorëzohen në tremujorin e parë. Ai është personalisht gati për uljen e periudhës së vonesës dhe për t’u siguruar që ato do të arrijnë sa më shpejt të jetë e mundur,” shtoi ajo.

Brukseli ka blerë rreth 2 miliardë doza vaksinash nga kompani të shumta për përdorim në 27 vendet anëtare. Kontrata me Pfizer / BioNtech është për 600 milion doza, gjysma e të cilave pritej të dorëzoheshin para shtatorit.

Megjithatë, Komisioni nuk mbikëqyr shpërndarjen e dozave tek shtetet anëtare dhe secili vend është gjithashtu përgjegjës për strategjinë e tij të vaksinimit. Shtetet anëtare të BE filluan vaksinimin e njerëzve në 27 dhjetor në një shpërndarje të koordinuar.

Italia, vendi më i goditur i Evropës kontinentale, ka administruar deri më tani 972,000 nga 1.4 milion doza që ka marrë – shuma më e madhe në terma numerikë. Pasohet nga Gjermania dhe Spanja ku janë përdorur përkatësisht 842,455 dhe 672,186 doza.

Por, me më shumë se 2,263 doza të administruara për 100,000 banorë, Danimarka tani ka inokuluar pjesën më të lartë të banorëve. Irlanda dhe Italia vijnë në radhë me më shumë se 1,600 doza për 100,000 popullsi.

Mbretëria e Bashkuar, e cila filloi fushatën e saj të vaksinimit gati tre javë më parë, është shumë përpara me më shumë se 3.2 milion njerëz të vaksinuar, e cila arrin në 5,100 doza për 100,000. (AFP)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.