Gjata në “Argument”: Nga “vetting”-u, kanë rënë më pak se gjysma! Kjo tregon se pushteti gjyqësor nuk ka qenë ai tmerri që është thënë

Juristi i njohur Çlirim Gjata shprehet skeptik për ritmet e ecurisë së procesit të vettingut megjithatë ai evidenton se me rezultatet e deritanishme të proceseve të kryera situata në sistemin gjyqësor nuk ka qenë ajo që është pretenduar. Duke folur në emisionin “Argument” të gazetarit Enio Civici, Gjata tha se në deklarimet e mëparshme është thënë se do të largohen 80 %e gjyqtarëve dhe prokurorëve po në fakt rezultatet kanë qenë të tjera.

“Mbi 80 për qind do të largohen është thënë. Deri tani janë 78 apo 80 gjyqtarë që kanë kaluar. Nëse analizojmë numrat i bie që ka rënë më pak se gjysma. Kjo tregon se pushteti gjyqësor nuk ka qenë ai tmerri që është thënë. Uroj që procesi të mbarojë sa më shpejt” tha Gjata.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.