Gjenden qindra fije misterioze në zemër të Rrugës së Qumështit! (FOTOT)

Qendra e galaktikës sonë Rruga e Qumështit është shtëpia e një morie karakteristikash intriguese — duke përfshirë gati një mijë fije misterioze magnetike, sipas një imazhi të ri teleskopi. Çiftet dhe grupet e fijeve shtrihen për afro 150 vite dritë në gjatësi dhe janë të barabarta. Strukturat e çuditshme janë disa milionë vjet të vjetra dhe ndryshojnë në pamje. Disa prej tyre i ngjajnë telave të harpës, ujëvarave apo edhe unazave rreth Saturnit.

Por natyra e vërtetë e filamenteve mbetet e pakapshme. Farhad Yusef-Zadeh, një profesor i fizikës dhe astronomisë në Universitetin Northwestern, zbuloi fillimisht fillesat 35 vjet më parë nëpërmjet valëve të radios. Ai përcaktoi se fillesat ishin bërë nga elektrone të rrezeve kozmike që lëviznin fushat e tyre magnetike afër shpejtësisë së dritës. Origjina e këtyre fijeve, megjithatë, ka mbetur një mister.

Tani, astronomët ishin në gjendje të gjenin 10 herë më shumë fije se zbulimi i mëparshëm i Yusef-Zadeh, duke përdorur teleskopin MeerKAT të Observatorit të Astronomisë së Radios Afrikane të Jugut. Imazhi i ri, i detajuar është në fakt i përbërë nga një mozaik prej 20 vëzhgimesh të ndryshme të bëra gjatë tre viteve, ndërsa shikon drejt qendrës së largët të Rrugës së Qumështit, që ndodhet 25,000 vite dritë nga Toka.

Përveç fijeve të gjata, imazhi tregon nënshkrimet e lindjes së yjeve dhe mbetjet e yjeve të shpërthyer përmes emetimeve të radios. Yusef-Zadeh dhe ekipi i tij hulumtues u fokusuan vetëm në fillesat dhe i izoluan ato nga fenomenet e tjera të kapura në imazh. Sasia e rrezatimit ndryshonte nga ngjarjet e tjera energjike kozmike, si mbetjet e supernovës, tregoi analiza e ekipit të fillesave. Shkencëtarët mendojnë se fillesat kanë më shumë gjasa të lidhen me aktivitetin e kaluar të shkaktuar nga vrima e zezë supermasive në qendër të Rrugës së Qumështit dhe jo nga shpërthimet e yjeve.

Ekipi gjithashtu përcaktoi se fushat magnetike janë më të forta përgjatë fijeve. Studimi i një grupi më të madh të fillesave po i lejon shkencëtarët t’i kuptojnë më mirë ato, megjithëse mbeten shumë mistere. Ndërsa ekipi punon për të identifikuar secilën fije, ata ende po përpiqen të kuptojnë distancën e rregullt, të barabartë midis grupeve të fijeve, shkakun e përshpejtimit të grimcave ose nëse fillesat lëvizin me kalimin e kohës.

Është e mundur që fillesat janë të lidhura me një zbulim të mëparshëm nga Yusef-Zadeh dhe ekipi i tij në vitin 2019: strukturat gjigante të balonave në zemër të galaktikës. Studime të shumta rreth fillesave do të botohen në të ardhmen dhe shkencëtarët shpresojnë të zbulojnë se si ato përshtaten në mesin e objekteve pranë qendrës së Rrugës së Qumështit. CNN

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.