Gjendet thesari 2500 vjeçar – 50 artikujt i përkasin Epokës së Bronzit

Një thesar 2500 vjeçar i epokës së bronzit është zbuluar në një pyll në Suedinë perëndimore.

Thesari përfshin rreth 50 artikuj, të tilla si gjerdan, rrathë dhe kunja veshjesh. Arkeologët suedezë thonë se është shumë e rrallë të gjesh një grumbull të tillë në një pyll.

Arkeologët e përshkruajnë atë si një zbulim “depo”, domethënë një grumbull i mbetur qëllimisht si një ofertë për një perëndi ose perëndive, ose për të investuar në jetën pas vdekjes.

Bizhuteritë “janë ruajtur jashtëzakonisht mirë”, tha Prof Johan Ling, pedagog në arkeologji në Universitetin e Gothenburgut.

“Shumica e sendeve mund të lidhen me një grua, ose gra, me status të lartë,” tha ai, cituar nga Goteborgs-Posten.

Thesari përfshin një lloj shufre që përdoret për të nxitur mbi kuaj, e gjetur më parë në Danimarkën fqinje, por jo në Suedi. (BBC)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.