Gjenerata e ardhshme e vendeve të punës nuk do të përbëhet nga profesionet

Një trajner i karrierës në Otavë, punon me nxënës të shkollave të mesme, por ai nuk e përdor kurrë  fjalën profesion. As nuk përqendrohet në ndihmën që klientët e tij të rinj të kuptojnë se çfarë dëshirojnë të jenë kur rriten, të paktën jo drejtpërdrejt.

Për të, nuk ekziston zgjedhja e një profesioni dhe vendimi për tu  zhvilluar në këtë profesion.

Në vend që të inkurajojë secilin person të zgjedhë një profesion, ai punon për aftësitë  që secili prej studentëve dëshiron të fitojë.

Pra, në vend që studentët të thonë, “Unë dua të jem doktor”, ai do të synojë që studentët të flasin për një qëllim, në këtë rast “të përdorin ndjeshmërinë në një mjedis mjekësor”.

Kjo mund të duket pak e çuditshme, por kthesa në gjuhë ndihmon në uljen e objektivave të vërtetë.

Dhe kështu ata nuk do të mashtrohen nga ndjenjat e përkohshme për  një profesion të caktuar  apo edhe zgjedhjen e karrierës që mund të kenë imagjinuar se dëshironin në fillim.

Në vend të kësaj, Michel thotë se vendosja dhe përmirësimi i aftësive që do të kenë si objektiv do t’i sjellë gjithmonë një karrierë që dëshirojnë dhe sigurisht do të jenë më të sukseshëm.

“Ata duhet të zhvendosen nga të menduarit rreth vendeve të punës dhe karrierës dhe duhet të mendojnë për sfidat dhe problemet,” thotë Michel.

Qëllimi, para së gjithash, është përgatitja e gjeneratës së ardhshme për një karrierë në të ardhmen, e cila për shumë prej tyre do të përbëhet nga shumë punë të vogla që synojnë punëtorë të kualifikuar mirë dhe jo një shef apo dhe kompani të vetme, thotë ai.

Në fund të fundit, zhvillimi i qëllimeve të sakta i ndihmon adoleshentët të planifikojnë atë që shumë e quajnë ‘karrierë të portofolit’.

Kjo lloj karriere është e përbërë nga projekte dhe role disi të ndryshme dhe do të jetë më e përhapur në dekadën e ardhshme, thotë Michel, i cili është i bazuar në Ottaëa të Kanadasë.

“Ata do të duhet të nxjerrin një vend që është më specifik sesa ishte dikur”, mendon ai.

Futuristët dhe drejtuesit e burimeve njerëzore thonë se jeta jonë e punës do të përbëhet nga kryerja e disa projekteve afatgjata ose detyrave në të njëjtën kohë.

“Në vend që të identifikoni rolin tuaj të punës ose përshkrimin, ju do të shtoni vazhdimisht aftësi të bazuara në atë që do t’ju bëjnë më të punësueshëm”, thotë Jeanne Meister, bashkëautore e “The Future Workplace Experience” në New York.

Nëse jeni më i ri, ka më shumë gjasa të ndiqni fleksibilitetin dhe pasionet, në vend që të hyni në një rol më tradicional, të themi në kontabilitetin, marketingun apo financat.

Për kompanitë, fitimi për eksperimentimin me mundësitë e brendshme të bazuara në projekte nënkupton që punëtorët kanë më pak gjasa të hidhen nga një kompani në tjetrën, thotë futuristi Jacob Morgan, autori i Advantage Experience Employee, bazuar në shtetin amerikan të Kalifornisë.

Punët e vogla mund të frymëzojnë një ndjenjë të frymës sipërmarrëse dhe të autonomisë brenda një kompanie, shpjegon ai, i cili mund të na mbajë nga kërcimi i punës në konkurrim.

Formimi i një rruge karriere, zgjedhja ku dhe si punoni duket kënaqësi, apo jo? Por kur është fjala për krijimin e një karriere afatgjatë, ka mangësi në krijimin e një portofoli pune, shprehen ekspertët.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.