“Gjeografia” e shkëmbimeve tregtare/ Shqipëria, rritje të fortë të importeve nga Rusia, Mbretëria e Bashkuar dhe Ukraina
Në muajin Qershor 2020, vendet me të cilët Shqipëria ka pasur rritje më të madhe të eksporteve, në krahasim me Qershor 2019 janë Kosova (4,1 %), Gjermania (2,3 %) dhe Maqedonia e Veriut (31,7 %). Ndërsa vendet me të cilat eksportet kanë pasur uljen më të madhe janë Italia (-14,6 %), Greqia (-5,2 %) dhe Spanja (-35,7 %).
Referuar të dhënave të INSTAT, gjatë këtij gjashtëmujori vendet me të cilët Shqipëria ka pasur rritje më të madhe të eksporteve, në krahasim me një vit më parë, janë Gjermania (14,0 %), Turqia (12,2 %) dhe Mbretëria e Bashkuar (14,5 %). Ndërsa vendet me të cilat eksportet kanë pasur uljen më të madhe, janë: Italia (-24,6 %), Kosova (-28,1 %) dhe Spanja (-11,5 %).
Importet
Në muajin Qershor 2020, vendet me të cilët Shqipëria ka pasur rritje më të madhe të importeve, në krahasim me Qershor 2019 janë Turqia (35,3 %), Kina (0,2 %) dhe Kosova (27,2 %). Ndërsa vendet me të cilat importet kanë pasur uljen më të madhe janë Italia (-6,7 %), Greqia (-5,6 %) dhe Gjermania (-7,6 %).
Gjatë këtij gjashtëmujori, vendet me të cilët Shqipëria ka pasur rritje më të madhe të importeve, në krahasim me një vit më parë, janë: Rusia (43,5 %), Mbretëria e Bashkuar (167,0 %) dhe Ukraina (61,7 %). Ndërsa vendet me të cilat importet kanë pasur uljen më të madhe, janë: Italia (-20,2 %), Greqia (-10,7 %) dhe Turqia (-6,7 %).
Shkëmbimet tregtare me vendet e BE-së zënë 63,7 %, të gjithë tregtisë. Në Qershor 2020, eksportet drejt vendeve të BE-së zënë 73,9 % të eksporteve gjithsej dhe importet nga vendet e BE-së zënë 59,2 % të importeve gjithsej. Partnerët kryesorë tregtarë janë: Italia (32,7 %), Greqia (7,7 %),Turqia (7,3 %) dhe Kina (6,8 %).
Shkëmbimet tregtare, për gjashtëmujorin e parë 2020, me vendet e BE-së zënë 63,3 % të gjithë tregtisë. Në periudhën Janar-Qershor 2020, eksportet drejt vendeve të BE-së zënë 75,6 % të eksporteve gjithsej dhe importet nga vendet e BE-së zënë 57,6 % të importeve gjithsej. Partnerët kryesorë tregtarë janë: Italia (31,0 %), Greqia (7,8 %), Gjermania (7,4 %) dhe Turqia (6,6 %).
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.