Gjermania do sigurojë një fond special për programet e praktikantëve të rinj dhe trajnimet nëpër kompani
Gjermania planifikon të sigurojë 500 milion € në dispozicion të firmave për të parandaluar një kolaps në trainimin e kompanive dhe marrjen e praktikantëve të rinj për shkak të krizës koronavirus, tregon një dokument i parë nga Reuters.
Qeveria e kancelares Angela Merkel tashmë ka rënë dakord për dy pako stimuluese në vlerë totale prej 880 miliardë eurosh për të lehtësuar ndikimin që solli izolimi për të parandaluar pandeminë, teksa ekonomia më e madhe e Evropës përgatitet për recesionin e saj më të keq që nga Lufta e Dytë Botërore.
Një skicë e planit, që do të miratohet nga kabineti i Merkel të Mërkurën, tha:
“Ne duhet të parandalojmë që kriza COVID-19 të shndërrohet në një krizë për të ardhmen profesionale të të rinjve dhe për sigurimin e punëtorëve të aftë.”
Programi përfshin një bonus trainimi deri në 3,000 € për ndërmarrjet e vogla dhe të mesme që janë goditur shumë nga kriza. Ndihma do të jetë gjithashtu e disponueshme për firmat që shmangin vendosjen e praktikantëve në një skemë pune me kohë të shkurtër ose nëse ata marrin pjesë në praktikë të firmave të falimentimit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.