Gjermania jep 20 milion euro për konviktet e universiteteve publike në Shqipëri – Për çfarë do të shërbejnë ato
Ministria e Financave dhe Ekonomisë ka depozituar për ratifikim në Kuvend marrëveshjen e huasë me qeverinë gjermane federale dhe konkretisht KfW Frankfurt am Main, për rehabilitimin me efiçencë energjetike të konvikteve studentore të universiteteve publike në Shqipëri, në shumën prej 20 milionë eurosh.
Sipas informacionit të publikuar programi për rehabilitimin me efiçencë energjetike të konvikteve studentore të universiteteve publike në Shqipëri është në vijim të zbatimit të konsultimeve qeveritare midis Republikës Federale Gjermane dhe Republikës së Shqipërisë të vitit 2017.
“Qëllimi i huas është të kontribuojë në rehabilitimin energjetik të konvikteve dhe ndërtimin e disa konvikteve të reja. Me anë të realizimit të programit synohet që, nëpërmjet aplikimit të masave të efiçencës së energjisë, të kursehet ndjeshëm energjia në godinat e rehabilituara, nga njëra anë, dhe, nga ana tjetër, t’u sigurohen studentëve kushte jetese të përshtatshme dhe kosto të arsyeshme akomodimi në godinat e konvikteve,” shkruhet në relacionin e projektligjit.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.