Gjermania mbështet bujqësinë shqiptare me mekanikë bujqësore dhe projekte për vreshtarinë

Gjermania do të dërgojë së shpejti, makineri dhe pajisje teknologjike bujqësore në mbështetje të fermerëve shqiptarë, si dhe do të mbështesë financiarisht projekte në fushën e vreshtarisë dhe verërave. Kjo bëhet e ditur nga ministri i Bujqësisë, Zhvillimit Rural dhe Administrimit të Ujërave, Edmond Panariti, gjatë vizitës së në Gjermani.

Ministri Panariti u takua dhe bisedoi me Sekretaren e Shtetit të Bujqësisë së landit të Baden Wurtenberg, Friedlinde Gur-Hirsch dhe deputeten e Bundestagut gjerman, anëtare e Komisionit të Bujqësisë, Kordula Kovaç, për rritjen e bashkëpunimit dhe të mbështetjes së bujqësisë shqiptare nga pala gjermane.

Gjate vizitës në Gjermani, Ministri Panariti u ftua nga Unioni i Grave të CDU-së së landit Baden Wurtenberg, për të diskutuar rreth rritjes së përfshirjes së grave në sipërmarrjen bujqësore dhe bashkëpunimin midis organizatave homologe shqiptare me ato gjermane.

Eralda Zito/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.