Gjermania mendon për gjithçka! – Rrit subvencionet për makinat elektrike, stimuli ekonomik shkon në 14 % të PPB
Gjermania po shpenzon miliarda euro për subvencione që do të ulin çmimin e makinave elektrike, si pjesë e një pakete të madhe stimulimi ekonomik që mund të ndihmojë kompani si Volkswagen të shesin automjete që janë më të mira për mjedisin.
Qeveria gjermane do të dyfishojë subvencionet ekzistuese në 6,000 € për automjete elektrike që kushtojnë deri në 40,000 €, sipas partisë së Unionit Kristian – Demokratik të Kancelares Angela Merkel. Nxitja totale rritet deri në 9,000 € kur përfshihet kontributi ekzistues nga prodhuesit.
Blerësit e mundshëm të automjeteve do të përfitojnë gjithashtu nga një ulje e përkohshme e taksës së shitjeve në 16%, nga 19%.
Stimujt janë pjesë e një pakete gjithëpërfshirëse prej 130 miliardë eurosh e aprovuar nga qeveria gjermane. Pakoja e përgjithshme e stimulit arrin në 4% të prodhimit vjetor ekonomik të vendit. Kur kombinohet me shpenzimet e shpallura më parë dhe uljen e taksave, shuma totale e stimulit pandemik në Gjermani tani ka arritur në 14% të PBB-së.
D.B – SCAN
Burimi: CNN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.