Gjermania merr masën drastike prej variantit indian të Covid – Ndalon të gjitha udhëtimet jo-thelbësore nga Britania
Gjermania të Premten e klasifikoi Mbretërinë e Bashkuar si një “zonë të shqetësimit të varianteve”, duke ndaluar të gjitha, përveç udhëtimeve thelbësore, në vend. Masa do të hyjë në fuqi të Dielën.
Ambasada Gjermane në Mbretërinë e Bashkuar tha se klasifikimi i ri është për shkak të “shpërthimeve lokale që po ndodhin përsëri, duke përfshirë raste të varianteve më infektive siç është varianti Indian aktualisht”.
Ambasadori Andreas Michaelis tha se vendimi u mor pasi shikoi “të gjitha të dhënat dhe detajet e disponueshme. Ne nuk e morëm këtë vendim lehtë”.
Qytetarët dhe banorët gjermanë që udhëtojnë nga MB do të lejohen në Gjermani, të tjerët do të kenë nevojë për një arsye thelbësore. Të gjithë do të duhet të paraqesin një test negativ COVID-19 jo më të vjetër se 48 orë dhe do të duhet t’i nënshtrohen një karantine dy-javore pas mbërritjes. (EN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.