Gjermania nuk ka para’ tepër – Weidmann: E kotë të ndihmojmë të tjerët, shoqëria jonë po plaket
Kreu i Bankës Qendrore të Gjermanisë, Jens Weidmann mbrojti suficitin e lartë buxhetor të vendit të tij ndaj kritikave të shumta të Fondit Monetar Ndërkombëtar. Për këtë të fundit, Gjermania po cënon rritjen ekonomike të rajonit dhe po ndihmon në rritjen e pabarazisë, duke mos investuar paratë e shumta që i teprojnë.
Për këtë çështje, Gjermania është vënë vazhdimisht në qendër të kritikave, jo vetëm nga Fondi Monetar Ndërkombëtar, por edhe nga vetë qeveritë e Eurozonës. Sipas Jens Weidmann, Gjermania duhet të krijojë një amortizator fiskal për t`u përballur me efektin e një popullsie dhe shoqërie në plakje të frikshme. Madje, sipas tij do të ishte e pavlerë dhe e kotë për Berlinin që të shpenzonte paratë për t`u përpjekur të ndihmojë fqinjët.
“Rritja e shpenzimeve publike në mënyrë që të reduktohet sufiçiti i lartë i llogarisë korrente, do të ishte një veprim i kotë”-nënvizoi numri një i Bankës Qendrore të Gjermanisë. Suficiti i llogarisë korrente të Gjermanisë gjatë 2017-ës, ishte më i larti në botë.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.