Gjermania paralajmëron: Vaksina e Rusisë mund të jetë shumë e rrezikshme dhe të prishë pritshmëritë e shoqërisë
Ministri i Shëndetësisë i Gjermanisë ka paralajmëruar se vaksina e re e e koronavirusit të Rusisë nuk është testuar siç duhet dhe mund të vrasë pranimin e vaksinave nëse rezulton të jetë e pasigurt ose joefektive.
Presidenti rus Vladimir Putin të martën tha që qeveria e tij kishte dhënë miratimin për vaksinën e parë të koronavirusit në botë dhe shpresonte të fillonte prodhimin në masë së shpejti.
Kjo është përkundër faktit se vaksina akoma nuk kishte përfunduar provat e Fazës së Tretë, të cilat konsiderohen të rëndësishme për demonstrimin e sigurisë dhe efikasitetit të një vaksine, dhe të cilat zakonisht përfundojnë përpara se miratimi rregullator të jepet.
“Mund të jetë e rrezikshme të fillojë vaksinimi i miliona njerëzve shumë shpejt sepse kjo mund të shkatërrojë pranimin e vaksinimit nëse shkon keq, kështu që unë jam shumë skeptik për atë që po ndodh në Rusi,” ministri gjerman i shëndetësisë Jens Spahn i tha Radios gjermane Deutschlandfunk të mërkurën.
D.B – SCAN
Burimi: Business Insdier
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.