Gjermania përballë pandemisë – Merkel kërkon një bllokim më të ashpër pas Krishtlindjes
Pushime më të gjata për Krishtlindje ndërsa dyqanet do të mbyllen menjëherë pas 27 Dhjetorit. Është pikërisht kjo është zemra e bllokimit të ashpër që Angela Merkel do të kishte në axhendë, ndërsa vendi po përballet me sfidën e uljes së numrit të infeksioneve të reja nga Covid, të vendosur në një prag shumë të lartë, pavarësisht nga masat e marra deri më tani.
Sipas Bild, plani parashikon që nga 27 dhjetor deri më 3 ose 10 janar, shumica e dyqaneve do të mbyllen (me përjashtim të supermarketeve). Për më tepër, pushimet e Krishtlindjes mund të fillojnë një javë para dhe do të zgjaten edhe me një javë tjetër pas datës 25 dhjetor.
Dje Merkel tregoi zhgënjimin e saj me zhvillimet e pandemisë, në një takim të Unionit (CDU-CSU), gjatë të cilit, sipas burimeve të pranishme, ajo e bëri të qartë se me masat aktuale nuk mund të përballemi me dimrin. “Me parimin e shpresës ne nuk shkojmë përpara,” tha ajo. Sipas tabloidit Axel Springer, megjithatë, edhe këtë herë nuk do të jetë e lehtë të vendosen masa të reja: Laenderat e parë tashmë po i rezistojnë këtij skenari. (ANSA)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.