Gjermania pezullon “Nord Stream 2” – Rregullatori i energjisë kërkon kushte shtesë për t’i dhënë licencën gazsjellësit
Rregullatori i energjisë në Gjermani deklaroi se ka pezulluar procesin e certifikimit për gazsjellësin “Rrjedha e Veriut 2” që do furnizojë Europën me gazin Rus, pasi konsorciumit me seli në Zvicër i duhet të formojë një kompani nën ligjet gjermane që të marrë një licensë operuese. Gazësjellësi është përballur me kundërshtinë e SHBA dhe disa vendeve Europiane, që thonë se do ta bëjë kontinentin tejet të varur nga Rusia, pavarësisht thirrjeve për më shumë furnizim me gazin rus për të zbutur çmimet në Europë.
Rregullatori, i njohur si Bundesnetzagentur, tha se kompania zvicerane ka vendosur të mos kthehet në një kompani gjermane, por ka caktuar një filial nën ligjet gjermane që t’i bërë ballë seksionit të tubacionit në territorin gjerman. “Licensa do konsiderohet vetëm pasi operatori të organizohet në formën ligjore që përputhet me Gjermaninë”- deklaroi rregullatori. Rrjedha e Veriut 2 deklaroi se është njoftuar nga rregullatori, por shtoi se nuk është në pozitë për të komentuar mbi detajet e procedurës.
Kompanitë e gazit në Ukrainë, NAftogaz dhe GTSOU, u njoftuan gjithashtu në nisje të Javës se do të përfshihen në procesin e certifikimit në Gjermani për gazsjellësin. Ukraina e kundërshton gazsjellësin rus dhe do të humbasë të ardhura nëse gazi nga Rusia anashkalon territorin e Ukrainës. Kreu i Naftogaz në Ukrainë, e mirëpriti vendimin e rregullatorit gjerman për të pezulluar certifikimin.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.