Gjermania, rekord në energji – Energjia e rinovueshme arrin në 85% të totalit
Gjermania ka shënuar rekord të ri për energjinë e rinovueshme, ndërkohë që emetimet e pastra thuajse kanë zëvendësuar energjinë e gjeneruar nga impiantet bërthamorë dhe të qymyrit.
Energjia e gjeneruar nga panelet diellorë, mullinjtë e erës dhe hidrocentralet ka shënuar një rekord prej 85% të totalit të energjisë në vend.
Ekonomia më e madhe e Europës ka investuar bindshëm në energji të rinovueshme, duke përmbushur iniciativën e Qeverisë të quajtur Energiewende, që përbën zëvendësimin e lëndëve djegëse fosile me burime të pastra deri në vitin 2050. Kjo ka sjellë një barrë për kompanitë e energjisë në vend si E.ON dhe RWE AG.
Nga ana tjetër, investimet në energjinë e rinovueshme kanë qenë të suksesshme duke ulur ndjeshëm gjatë javës çmimet e energjisë elektrike, pasi oferta nga burimet e pastra tejkaloi kërkesën.
Përdorimi i qymyrit ka rënë në një nivel rekord. Deutsche Welle raportoi se më datë 30 Prill, impiantet e qymyrit kanë qenë operues vetëm për 2 orë dhe kanë prodhuar më pak se 8 gigavat energji, shumë poshtë prodhimit mesatar prej 50 gigavat.
Burimet nga impiantet bërthamore, që pritet të përfundojnë plotësisht nga viti 2022, janë reduktuar gjithashtu ndjeshëm.
Përpjekjet e vendit për zëvendësimin e energjisë synojnë që 80% e totalit të vijë nga burimet e rinovueshme deri në vitin 2050.
Klevis Llaha/SCAN
Energjia elektrike nga burimet e rinovueshme – Iniciativa e Francës, gati të shtojë 17 gigawatt
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.